Rüefä duet mä mir Gusti. Mis Heimatdorf isch Zeinigä. Ich läb aber scho sit mehr als 30 Johr  z`Mehliich, ha Bur glehrt und ha nach der RS uf em Ziegelhof gschaffet. Vo dört a ha ich dr Edi kennä glert und mir hei zämä gschaffet und Maschinä kauft. Er isch dr Uslöser gsi, dass ich, wo ich Pächter wordeä bi, uf Bio umgstellt ha (probier`s doch eifach , chais jo wieder zrugg). Aber ich bi bio blibäe. S'isch ä Herusforderig wo alles abverlangt, dass es grotet und mängisch mues meh halt eifach zfriedä sie mit dem wo`s geh het und uf e neui besseri Ern hoffä. Sitt bald 4 Johr betrieb ich mit em Brinton Wenz Samschtig für Samschtig dr Bio Märt Rhifäldä abwächsligswies - eimol er, den ich. Das isch öbis ganz schöns, früschä Salat und Gmües chönnä abietä und gseh, wie d Lüt ä Freud hei. Wo Pacht 2007 usgloffä isch het für mi ä neuä Läbesabschnitt a gfangä. Ich ha als Huswart bi dr Firma Jakob Müller Maschinäfabrig im Bata Park chönnä go schaffä i Teilzit. I dr andäre Zit ha ich uf mim eigetä Land , Chnobli, Zibälä, Chlee, Getreide, Konsärvä Chriesi und Erdbeeri about und bi go fuetere oder mälchä bi anderä Burä. Ich bi scho im 1. Johr uf mehr Traktorä obä g hockt als vorhär i 24 Johr uff em Ziegelhof. E ganz e grosses Standbei isch aber , dass i cha go Obstbäum schnidä für Chundä. Mis Hobby isch Blosmusig. Ich spiel Es-Tuba i dr Musig Zeinigä.

gustav_freiermuth

Übersicht: Eulenhof-Team E-Mail an Gusti senden Markt Rheinfelden